२५ माघ, काठमाडौं । आईसीसी विश्वकप क्रिकेट लिग २ मा अमेरिकाविरुद्ध विनोद भण्डारीले पनि अर्धशतक पुरा गरेका छन् । कुशल मल्लसँग उत्कृष्ट साझेदारी गरेका विनोदले ६२ बलमा ५० रन पुरा गरेका हुन् । उनले ५ चाैका र एक छक्काको बलमा ५० रन बनाएका हुन् ।
यो विनोदको पहिलो ओडीआई अर्धशतक हो भने एक दिवसीयमा अर्धशतक बनाउने आठौं ब्याट्सम्यान बनेका छन् । ज्ञानेन्द्र मल्ल, सोमपाल कामी, पारस खड्का, सुवास खकुरेल, रोहितकुमार पौडेल, शरद भेषावकर र कुशल मल्लले यसअघि अर्धशतक बनाएका छन् ।
मल्लले जारी खेलमै अर्धशतक बनाएर ओडीआई डेब्युमै अर्धशतक बनाउने विश्वको कान्छो खेलाडीको रकर्ड कायम गरेका हुन् ।
