जब चिडियाखानाका सिंह र बाघहरू अत्तरमा लठ्ठिन थाले

सुन्दैमा अनौठो लाग्न सक्ला, तर बेलायतको नरफोकस्थित बाहम चिडियाखानामा रहेका सिंह, बाघ, चितुवा, जंगली विरालो लगायतका सिकारी जिवहरू त्यहाँ आउने पर्यटकहरूले जिउमा छरेको अत्तरप्रति आकर्षित हुन थालेका छन् ।

आगन्तुहरूको सरीरबाट निस्कने पफ्र्युमको सुगन्ध ती जनावरहरूलाई निकै मन पर्न थालेको छ । अत्तरको वासना सुँघ्न नपाउँदा यी जनावरहरू दिनभर नै झोक्राउने गरेको पाइएको छ । त्यसैले उक्त चिडियाखानाले आफुसँग भएका पूराना अत्तरहरू दान गर्न आम सर्वसाधारणमा अपिल गरेको छ ।

चिडियाखानाका अनुसार सिंह, बाघ, चितुवा, जंगली बिरालो लगायतका जनावरहरूलाई चानचुने होइन महंगो ब्राण्डका अत्तरहरूले लोभ्याउने गरेको छ । त्यसैले चिडियाखानामा दान गर्दा ब्राण्डेड परफ्युम नै दिन चिडियाखानाले आग्रह गरेको छ ।

चिडियाखानाका प्रबन्धक माइक वुलह्यामका अनुसार यी बिगक्याट प्रजातिका सिकारी जनावरहरूले केल्भिन क्लेनको अबसेसन फर मेन अत्तर सबैभन्दा धेरै मन पराउने गरेका छन् ।

अत्तर मात्र होइन यी जनावरहरूले दाह्री काटेपछि लगाउने अफ्टरसेभ लोसन पनि मन पराउने गरेका छन् । चिडियाखानाले जनावरले मन पराउने २४ वटा विभिन्न सेन्टहरूको सूचि पनि तयार पारेको छ ।
एजेन्सी