काठमाडौं । इन्डोनेसियामा हुने आईटीएफ जुनियर डेविस कप तथा फेड कपमा नेपालबाट ६ खेलाडीले प्रतिस्पर्धा गर्ने भएका छन् । प्रतियोगितामा सहभागी हुन ६ सदस्यीय नेपाली लनटेनिस टोली शुक्रबारै इन्डोनेसियाको जकार्ता प्रस्थान गरेको छ ।
फेब्रुअरी २२ देखि २९ तारिखसम्म हुने प्रतियोगितामा नेपालका ३ महिला र ३ पुरुष खलाडीले चुनौती प्रस्तुत गर्ने छन् ।
पुरुष खेलाडीमा निहाल जंगबहादुर थापा, प्रसिद्ध मोक्तान र निश्चल कायश्थ तथा महिलामा रायना शाह, इशाश्री शाह र सिरिष्ता राई रहेका छन् । प्रशिक्षकमा कृष्णराज घले छन् । घले आईटीएफ वर्ल्ड जुनियर टेनिस च्याम्पियनसिपका लागि जकार्तामै छन् ।
पुरुष खेलाडीले डेविस तथा महिलाले फेड कपमा सहभागिता जनाउने नेपाल टेनिस संघका कार्यालय सचिव प्रवीण देवकोटाले जनाएका छन् । टोलीलाई नेपाल टेनिस संघका महासचिव मनोहरदास मुलले शुक्रबारै सातदोबाटोमा आयोजित एक कार्यक्रमबीच बिदाइ गरे
