१३ फागुन, काठमाडौं । महानगरीय प्रहरी बृत, महाराजगञ्जको प्रहरी टोलीले बुढानिलकण्ठबाट सामूहिक बलत्कार गरेको आरोपमा दुई जनालाई पक्राउ गरेको छ ।
पक्राउ पर्नेमा झापा गौरिगञ्ज गाउँपालिका–१ घर भइ बुढानिलकण्ठ बस्ने ३४ वर्षीय विशाल सङग्रौला र ३५ वर्षीय सुबास सङग्रौला छन् ।
महानगरीय प्रहरी बृत महाराजगन्जका प्रमुख डिएसपी उमेश लम्सालका अनुसार सुनसरी इटहरीकी एक ३४ वर्षीया महिलालाई जागिरको प्रलोभन देखाई काठमाडौंमा बोलाएर उनीहरुले बलात्कार गरेको भन्दै किटानी जाहेरी परेपछि पक्राउ गरिएको हो ।
बुढालिनकण्ठ–६, गणेश चोकस्थित सुवासकै घर र भक्तपुरको एक रिसोर्टमा लगेर बलात्कार गरिएको जाहेरीमा उल्लेख छ ।
पक्राउ परेकामाथि जबरजस्तीकरणी सम्बन्धी कसूरमा म्याद थप गरेर अनुसन्धान भइरहेको छ ।