भारतिय क्रिकेटर कपिल देवको वायोपिक चलचित्र ‘८३’ तयार भएको छ । चलचित्रमा रणवीर सिंह कपिल देवको भूमिकामा प्रस्तुत भएका छन् । सार्वजनिक केही तस्विर र भिडियो हेर्दा रणवीरलाई दुरुस्तै कपिल देख्न सकिन्छ ।
हालै सामाजिक संजालमा एक तस्विर भाइरल भइरहेको छ । रणवीरले विश्वकपको ट्रफी उचालेको तस्विरलाई धेरै जनाले सेयर गरिरहेका छन् ।
कपिल देवले सन् १९८३ मा विश्वकप जितेको समयमा उचालेको ट्रफी अहिले रणवीरले उचालेका छन् । जुन तस्विरले कपिलको सम्झना दिएको भन्दै धेरैले तस्विर सेयर गरेका हुन् ।
तस्विरमा रणवीर कपिल देवको गेटअपमा प्रस्तुत भएका छन् । झट्ट हेर्दा उनी दुरुस्तै कपिल देव देखिन्छन् ।
चलचित्र ८३ मा रणवीरसँगै दीपिका पादुकोणको पनि मुख्य भूमिका रहेको छ । चलचित्रमा दीपिका कपिलको श्रीमतिको भूमिकामा देखिएकी छिन् । चलचित्रलाई कविर खानले निर्देशन गरेका छन् ।
