२६ फागुन, काठमाडौं । बारा प्रहरीले लागूऔषध गाँजा मुद्दामा ६ वर्षदेखि फरार एक जना अभियुक्तलाई पक्राउ गरेको छ ।
पक्राउ पर्नेमा बारा करैयामाई गाउँपालिका–५ बस्ने ३५ वर्षीय अच्छेलाल चौधरी रहेका छन् ।
लागूऔषध गाँजा मुद्दामा दोषी ठहर गर्दै चौधरीविरुद्ध बारा जिल्ला अदालतले २०७० माघ २० गते २ वर्ष ३ महिना कैद र १० हजार जरीवानाको फैसला सुनाएको थियो ।
त्यसबेलादेखि नै फरार चौधरीलाई इलाका प्रहरी कार्यालय कोल्हबीको टोलीले सोमबार पक्राउ गरेको हो ।
अदालतको आदेशले चौधरीलाई कैद भुक्तानको लागि कारागार कार्यालय वीरगञ्जमा पठाइसकिएको बारा प्रहरीले जनाएको छ ।
