Comments Add Comment

चीनका लागि प्रस्तावित राजदूत पाण्डेविरुद्ध उजुरी आह्वान

२८ फागुन, काठमाडौं । चीनका लागि प्रस्तावित नेपाली राजदूत डा. महेन्द्र पाण्डेविरुद्ध संसदीय सुनुवाइको प्रक्रिया अघि बढाइएको छ । बुधबार बसेको संसदीय सुनुवाई विशेष समितिको बैठकले पाण्डेविरुद्ध उजुरी आह्वान गरेको छ ।

आजको मितिबाट १० दिनको म्यादभित्र पाण्डेविरुद्ध कुनै उजुरी भए दिन सकिने समितिले जनाएको छ ।

१८ फागुनमा बसेको मन्त्रिपरिषद बैठकले चीनका लागि नेपाली राजदूत लिलामणी पौडेललाई फिर्ता बोलाएर पाण्डेलाई राजदूत सिफारिस गरेको थियो । सुनुवाई समितिले नाम अनुमोदन गरेपछि मात्र पाण्डे राजदूत नियुक्त हुने बाटो खुल्ने छ ।

केपी शर्मा ओली नेतृत्वको पहिलो सरकारले पनि पाण्डेलाई राजदूत सिफारिस गरेको थियो । तर ओली सरकार ढलेलगत्तै तत्कालीन माओवादी-कांग्रेस गठबन्धनको सरकारले पूर्ववर्ती सरकारले गरेका नामहरु फिर्ता लिएपछि पाण्डे राजदूत हुन पाएका थिएनन् ।

प्रचण्ड नेतृत्वको दोस्रो सरकारले पूर्वमुख्यसचिव पौडेललाई मन्त्रीस्तरको दर्जा दिएर चीनका लागि नेपाली राजदूत नियुक्त गरेको थियो ।

यो पनि पढ्नुहोस लीलामणि पौडेल : अकारण गलहत्याइएका राजदूत

यो खबर पढेर तपाईलाई कस्तो महसुस भयो ?

ट्रेन्डिङ

Advertisment