२९ फागुन, काठमाडौ । रिफब्लिक अफ आयरल्याण्डले स्कुल, कलेज र सार्वजनिक उद्योगहरु बन्द गर्ने घोषणा गरेको छ । कोरोना भाइरसको संक्रमण फैलिन नदिन भनेर गरिएको घोषणा बिहीबार रातिबाट लागू हुनेछ र २९ मार्चसम्म कायम रहनेछ ।
आइरिस प्रधानमन्त्री लियो भराड्काकाअनुसार १०० भन्दा बढी मानिस भेला हुने इण्डोर र ५०० भन्दा बढी भेला हुने खुला कार्यक्रम तथा सभाहरु रद्द गर्नु पर्नेछ । उनले सम्भव भएसम्म एकअर्काबाट टाढा रहनुपर्नेमा जोड दिएका छन् ।
विमानस्थल र बन्दरगाह भने खुला रहनेछ ।
