काठमाडौं । इंग्लिस क्लब म्यानचेष्टर युनाइटेडले युरोपा लिग अन्तर्गत अन्तिम १६ को पहिलो खेलमा अष्ट्रियन क्लब एलएएसकेलाई फराकिलो अन्तरले पराजित गरेको छ ।
अष्ट्रियन क्लब एलएएसकेको मैदानमा करिब ५ सय समर्थक अघि भएको खेलमा युनाइटेडले ५-० को जित हासिल गरेको हो ।
पहिलो हाफमा एक गोल गरेको युनाइटेडले दोस्रो हाफमा चार गोल थपेको थियो । ओडिओ इघालोले २८औं मिनेटमा गोल गर्दै युनाइटेडलाई अग्रता दिलाएका थिए ।
५८औं मिनेटमा ड्यानिएल जेम्सले गोल गर्दै अग्रता दोब्बर पारे । हुवान माटाले ८२औं मिनेटमा युनाइटेडका लागि तेस्रो गोल गरे ।
मासोन ग्रिनउड र आन्द्रेस परेइराले इन्जुरी टाइममा गोल गरेपछि युनाइटेडले फराकिलो जित दर्ता गरेको हो ।
अष्ट्रियन क्लब विरुद्ध युनाइटेडले अहिलेसम्म हारे बेहोरेको छैन । ९ खेल खेल्दा ८ मा जित हात पारेको छ भने एक खेल बराबरीमा सकिएको थियो ।
सन् २०१३ मा वायर लेभरकुजनलाई च्यानम्पियन्स लिगमा ५-० ले हराएयता युरवपियन प्रतियोगितामा युनाइटेडको यो पहिलो फराकिलो जितसमेत हो ।
यस्तै युरवपा लिगकै अन्य खेलमा जर्मन क्लब वायर लेभरकुजनले रेन्जर्सलाई ३-१ ले र युक्रेनी क्लब साख्तर डोनेस्कले जर्मन क्लब उल्फस्वर्गलाई २-१ ले पराजित गरेको छ ।
