३ चैत, काठमाडौं । थाई एयरवेजले काठमाडौं उडान कटौती गरेको छ । कम्पनीले आगामी ३० मार्चसम्म निर्धारित उडानमध्ये १० उडान कटौती गरेको छ । कम्पनीका अनुसार १३ मार्चबाट ३० मार्चसम्म १० उडान कटौती भएका छन् ।
बैंकक–काठमाडौं–बैंकक रुटमा १३, १६, १८, २०, २२, २३, २५, २७, २९ र ३० मार्चका लागि निर्धारित उडान कटौती गरिएको कम्पनीले उल्लेख गरेको छ ।
कोरोना भाइरसका कारण नेपाल आउने र नेपालबाट जाने यात्रुमा समेत भारी गिरावट आएको छ । सोहीकारण कम्पनीहरुले धमाधम उडान समेत कटौती गरिरहेका छन् ।
यता नेपाल एयरलाइन्सले समेत थाइल्याण्डको बैंककमा मार्च ११ र मार्च २५ को उडान रद्द गरिसकेको छ । थाइल्याण्ड धेरै नेपाली घुमघामका लागि पुग्ने गन्तब्य हो ।