५ चैत, काठमाडौं । सरकारले मौसमी रुघाखोकी (इन्फ्‍लुएन्जा) को परीक्षण गर्दा नेगेटिभ रिपोर्ट आएमा त्यस्ता बिरामीको पनि कोरोना भाइरस संक्रमणको परीक्षणको तयारी गरेको छ ।

स्वास्थ्य मन्त्रालयका प्रवक्ता विकास देवकोटाले देशभरिका अस्पतालबाट इन्फ्लुएञ्जाको लागि परीक्षणमा पठाएको नमुनामा इन्फ्लुएञ्जा संक्रमण नदेखिए कोरोना परीक्षण गर्ने तयारी गरेको बताए ।

‘इन्फ्लुएञ्जा लक्षण देखिएकाहरुलाई सुरुमा इन्फ्लुएञ्जाको परीक्षण गर्ने हो, देखिएन भने मात्र कोरोना परीक्षण गर्ने छलफल भइरहेको छ’ उनले भने ।

हाल सरकारले कोरोना संक्रमण फैलिएको देशबाट आएका र उनीहरुको प्रत्यक्ष सम्पर्कमा रहेकाहरुमा १४ दिनभित्रमा कोरोनाको लक्षण देखिए मात्रै परीक्षण गर्ने व्यवस्था गरेको थियो । हालसम्म करिब ५ सय जनाको मात्र कोरोना संक्रमणको परीक्षण गरिएको छ ।

यो पनि पढ्नुहोस ४७० जनाको कोरोना परीक्षण गरेर ढुक्क हुने अवस्था छ ?

कोरोना संक्रमण परीक्षण ज्यादै थोरै संख्यामा हुँदा संक्रमितको पनि परीक्षण नभएको हो कि भन्ने आशंकामा सर्वसाधारणमा मनोवैज्ञानिक त्रास थियो । हाल काठमाडौं टेकुको राष्ट्रिय जनस्वास्थ्य प्रयोगशालाबाट मात्र कोरोना भाइरस संक्रमणको परीक्षण हुँदै आएको छ ।

सरकारले देशभरका अस्पतालको इन्फ्लुएञ्जाको नमुना राष्ट्रिय जनस्वास्थ्य प्रयोगशाला टेकुमा पठाउन पनि निर्देशन दिएको प्रवक्ता देवकोटाले बताए ।

यो पनि पढ्नुहोस भारतबाट पनि आवत–जावत रोक्ने तयारी

यो पनि पढ्नुहोस सरकारले भन्यो – अत्यावश्यक कामबाहेक घरबाहिर ननिस्कनू

यो पनि पढ्नुहोस कोरोना भाइरसबारे भ्रम फैलाउनेलाई कारबाही गरिने

यो पनि पढ्नुहोस कोरोना प्रभावित ५५ मुलुकबाट नेपाल आउन प्रतिबन्ध

यो पनि पढ्नुहोस सिनेमा हल, जीम र डान्स बार बन्द गर्ने सरकारको निर्णय