११ चैत, बुटवल । नेपाली कांग्रेसका प्रदेशसभा सदस्यहरुले १५ दिनको पारिश्रमिक प्रदेश सरकारले गठन गरेको कोभिड-१९ नियन्त्रण तथा रोकथाम कोषमा जम्मा गर्ने निर्णय गरेका छन् ।
चैत महिनाको पारिश्रमिकबाट १५ दिन बराबरको रकम सहयोग गर्ने निर्णय भएको नेपाली कांग्रेस प्रदेशसभा संसदीय दलका कार्यबाहक नेता वीरेन्ऽकुमार कनौडियाले जानकारी गराए ।
प्रदेश ५ मा नेपाली कांग्रेसका १९ जना सांसद छन् । उक्त रकम कोभिड-१९ को नियन्त्रण, उपचार र राहतमा मात्र खर्च हुने बताइएको छ ।
यसअघि प्रदेश सरकारले स्थापना गरेको कोरोना विपद् कोषमा सत्तारुढ नेपाल कम्युनिस्ट पार्टी -नेकपा)का सांसदहरूले पनि १५ दिन बराबरको तलब दिने निर्णय गरेका थिए ।
प्रदेश सरकारको सोमबार बसेको बैठकले दस करोडको विपद् कोष स्थापना गर्ने निर्णय गरेको थियो ।
