काठमाडौं । स्पानिस क्लब रियल मड्रिडले कोरोना भाइरस विरुद्ध लड्न मेडिकल सामान राख्नका लागि आफ्नो रगशालमा रंगशाला दिने भएको छ ।
अहिले विश्वभर कोरोना भाइरस महामारीको रुपमा फैलिएको छ । त्यसबाट स्पेन पनि धेरै प्रभावित देशमा पर्छ । त्यही कोरोना विरुद्ध उपचारका लागि प्राप्त मेडिकल सामान राख्न रियलले सान्टियागो बर्नाबेउ प्रयोगका लागि दिने जनाएको छ ।
‘महामारीको विरुद्वको लडाइँमा सान्टियागो वर्नाबेउ ठूलो मेडिल सप्लाई सेन्टरको रुपमा परिणत भएको छ । क्लबले विज्ञप्ती मार्फत आफ्नो आधिकारिक वेवसाईटमा भनेको छ ।
रियल मड्रिड र हाइ काउन्सिल फर स्पोर्ट्ससँगको सहकार्यमा सहयोग प्राप्त हुने क्लबले जनाएको छ । स्पानी ला लिगा अहिले स्थगित रहेको अवस्थामा रियलले आफ्नो मैदान सकरात्मक कामका लागि प्रयोग गर्न दिन लागेको हो ।
मेडिकल सामाग्री खरिद गर्न रियल मड्रिड फाउण्डेसनमार्फत डोनेसन गर्न सकिने क्लबले जनाएको छ ।
कोरोनाको संक्रमणबाट स्पेनमा ३ हजार भन्दा बढीको मृत्यु भइसकेको छ । युरोपकै अर्को राष्ट्र इटली कोरोनाबाट धेरै प्रभावित हुने देशमा अगाडि रहेको छ ।
