१८ चैत, काठमाडौं । गणतन्त्र कंगोका पूर्व राष्ट्रपति ज्याक्स जोकिम योम्बीको कोरोना भाइरसका कारण ज्यान गएको छ । अल जजिराका अनुसार उनको सोमबार ८१ वर्षको उमेरमा पेरिस अस्पतालमा उपचारको क्रममा ज्यान गएको हो ।
उनको छोरालाई उद्धृत गर्दै एपीएफले जनाए अनुसार उनीमाथि कोरोना भाइरसको लक्षण देखिएपछि अस्पताल भर्ना गरिएको थियो । उनले सन् १९७७ देखि १९७९ सम्म कंगोको शासन सत्ता सम्हालेका थिए ।
विश्वप्यापी महामारीको रुपमा रहेको कोरोना (कोभिड १९)को संक्रमण अहिलेसम्म कंगोमा केवल १९ जनालाई मात्रै ज्यान गएको छ । योम्बी कंगोको डेमोक्रेसी एण्ड डेभलपमेन्ट पार्टीका संस्थापक हुन् ।
