२२ चैत, काठमाडौं । कोरोनाको त्रासका कारण अहिले भारतमा पनि लकडाउन छ । बलिउडकर्मीहरु अहिले होम क्वारेन्टाइनमा बसिरहेका छन्।
क्वारेन्टाइनको समयमा कोही स्केचमा व्यस्त छन् त कोही कविता लेखिरहेका छन् । क्वारेन्टाइनमा कलाकारहरु आफ्नो रुचि र शोख पूरा गरिरहेका छन् ।
विवाहित जोडीले भने एक-अर्कालाई पर्याप्त समय दिन पाएका छन् । नायिका अनुष्का शर्मा र क्रिकेटर विराट कोहली अहिले ‘क्वालिटी समय बिताउन पाएको’ बताउँछन् ।
अनुष्काले भनेकी छिन्, ‘क्वारेन्टाइनमा बस्नाले हामीलाई अनेक तरिकाको प्रेम गर्ने अवसर दिएको छ ।’
एक-अर्कालाई राम्रो समय दिन नपाएका उनीहरु लामो समयको लागि एकसाथ हुँदा निकै खुशी छन् ।
सामाजिक सञ्जालमा उनीहरुले हाल्ने तस्वीर तथा भिडियोहरुले पनि उनीहरुको प्रेम झल्काउँछ। उनीहरु गाउने, नाच्ने, पकाउने र खाने कुरामा नै व्यस्त छन् ।
त्यस्तै, अर्को रोमान्टिक जोडी रणवीर सिंह र दीपिका पादुकोण पनि क्वारेन्टाइन खुबै रमाइलो गरिरहेको बताउँछन् ।
रणवीर र दीपिकाले पनि आफ्नो हरेक दिनको क्रियाकलापहरु सामाजिक सञ्जालमा सेयर गरिरहेका हुन्छन् ।
उनीहरु पनि क्वारेन्टाइनको समय आफूहरुलाई माया गर्नको लागि उत्तम समय भएको बताएका छन् ।
अहिले दीपिका रणवीरको लागि विभिन्न परिकारहरु बनाएर खवाउनमा व्यस्त छिन् । रणवीर पनि आफूले जानेको परिकारहरु बनाएर दीपिकालाई खुवाइरहेका छन् ।
दुबै मिलेर घर सफा गर्नेदेखि हरेक क्रियाकलापहरु गरिरहेका छन् । उनीहरुको प्रेम साँच्चिकै लोभलाग्दो छ ।
