बलिउड नायक साहरुख खानले केही दिन अगाडि मात्र कोरोना संक्रमितहरुका लागि विभिन्न सहयोगको घोषणा गरेका थिए । साहरुखले गरेको सहयोग घोषणाले भारतमा रामो चर्चा पाइरहेको छ ।
यसैबीच, साहरुख र उनकी पत्नी गौरीले सरकारलाई नयाँ सहयोगको घोषणा गरेका छन् । महाराष्ट्र सरकारसँग उनीहरुले क्वारेन्टाइनका लागि आफ्नो चार तल्लाको अफिस दिने घोषणा गरेका छन् ।
महाराष्ट्र सरकारले उनीहरुको घरलाई क्वारेन्टाइनका लागि प्रयोग गर्ने बताएको छ। साहरुख र गौरीले कोरोना संक्रमितको आशंका रहेका वा कोरोना संक्रमित रहेका वृद्धा मानिस, महिला र बालबालिकाका लागि यो घर दिने बताएका हुन् ।
साहरुख र गौरीको यो नयाँ सहयोगका लागि महाराष्ट्र सरकारले धन्यवाद समेत दिइसकेको छ । बलिउड नायक साहरुख खान कोरोनासँगको यो लडाइँमा खुलेरै लागेका छन् ।
