२९ चैत, काठमाडौं । भारतको मणिपुरको प्रशासनले देशव्यापी लकडाउनको बीचमा मानिसहरुलाई आवश्यक सामग्री खरीद गर्न शनिबार छुट दिएको छ ।
भारतीय समाचार संस्था एएनआईले उल्लेख गरे अनुसार प्रान्तीय सरकारले गरेको यो घोषणासँगै शनिबार मणिपुरको सडकमा उल्लेख्य संख्यामा मानिसहरु किनमलेका लागि निस्किए ।
मणिपुरमा इस्टर र चेइराओबा पर्वका लागि आवश्यक सामग्री खरिद गर्न शनिबार बजार खोल्ने निर्णय गरिएको हो ।
प्रान्तीय सरकारले शनिबार एक दिनका लागि सबै बजार खोल्ने निर्णय गरेको थियो ।
अहिलेसम्म मणिपुरमा दुईजना कोरोना भाइरसका संक्रमित फेला परेका छन् । जसमध्ये एकजना निको भइसकेका छन् ।