३० चैत, काठमाडौं । लकडाउनको समयमा काठमाडौंमा खानेकुराको समेत अभाव भएपछि मजदुरी गरेर जीविकोपार्जन गर्नेहरु काठमाडौं छोड्ने क्रम रोकिएको छैन ।
सरकारले सर्वसाधारणलाई अत्यावश्यक कामबाहेक घरबाहिर ननिस्कन आग्रह गरे पनि मजदुरी गर्नेहरु काठमाडौंमा टिक्न नसक्ने अवस्था आएको भन्दै हिँडेरै घरतर्फ लागेका छन् ।
हरेक दिनजसो यस्ता मानिसहरुको समूह काठमाडौं भित्रने र बाहिरिने नाका नागढुंगामा भेटिन्छन् । उनीहरु पाएसम्म ट्रक चढ्ने र नपाए हिँडेरै जाने भनी थानकोट आसपासमा जम्मा हुने गरेका छन् ।
आइतबार बाँके, बर्दिया, कैलाली लगायत जिल्लाका सर्वसाधारण थानकोटमा भेटिए । उनीहरु हिँडेरै भए पनि घर जाने बताउँदैथिए । काठमाडौंमा घर निर्माणको काम गर्ने उनीहरु लकडाउनका कारण काम रोकिएपछि खानेकुराकै अभाव भएपछि घरतर्फ हिँडेका हुन् ।
हेर्नुहोस् तस्वीरहरु
