News Summary
Generated by OK AI. Editorially reviewed.- मंगलबार प्रतिनिधि सभाको बैठकमा गणपुरक संख्या नपुग्दा पानी जहाज सञ्चालन विधेयकको प्रस्ताव स्वीकृतिका लागि प्रस्तुत हुन सकेन।
- नेकपा माओवादी केन्द्रकी सांसद रुपा सोशी चौधरीले गणपूरक संख्या यकिन गर्न माग गरिन्, गणना गर्दा ६१ सांसद मात्रै उपस्थित थिए।
३१ असार, काठमाडौं । गणपुरक संख्या नपुग्दा मंगलबारको प्रतिनिधि सभाको बैठकको कार्यसूची प्रभावित भयो ।
पानी जहाज सञ्चालन सम्बन्धी विधेयकमाथि छलफल थियो । छलफलपछि सभामुख देवराज घिमिरेले पानी जहाज सञ्चालन विधेयकलाई विचार गरियोस् भन्ने प्रस्ताव स्वीकृतिका लागि प्रस्तुत गर्न खोजे । तर, गणपुरक संख्या यकिनको माग उठ्यो ।
नेकपा माओवादी केन्द्रकी सांसद रुपा सोशी चौधरीलेले गणपूरक संख्या यकिन गर्न माग गरिन् । ३ मिनेट घण्टी बजाएर चेक गर्दा ६१ जना मात्रै सांसद भेटिए ।
२७५ सदस्यीय प्रतिनिधि सभामा कुनै पनि प्रस्ताव निर्णयार्थ प्रस्तुत गर्दा एक चौथाइ अर्थात, ६९ सांसद उपस्थित हुनुपर्छ । एक चौथाइ सांसद नरहेपछि जहाज सञ्चालन विधेयकलाई विचार गरियोस् भन्ने प्रस्ताव स्वीकृतिका लागि प्रस्तुत हुन सकेन ।
जबकी, संसद सचिवालयका अनुसार २०३ जना सांसदले मंगलबार हाजिर गरेका छन् । हाजिर गरेर सांसदहरू सभामा नबस्दा कोरम नपुगेको हो ।
मंगलबार गणपूरक संख्या नपुगेपछि स्थगित कार्यसूची कम्तीमा आगामी साउन ७ गते सम्मका लागि धकेलिएको छ । किनभने प्रतिनिधि सभाको अर्को बैठक साउन ७ गतेका लागि मात्रै राखिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4