२ वैशाख, काठमाडौं । मानवअधिकार तथा शान्ति समाज काठमाडौंले मंगलबार बिहान काठमाडौंमा राहत वितरण गरेको छ ।
गुह्येश्वरीस्थित असहाय बाच्छाबाच्छी संरक्षणस्थल रहेको चौर नजिकैका विपन्न परिवारलाई समाजले चामल, तेल, पिठो गरी ७३ हजार ५ सयको राहत सामग्री वितरण गरेको हो ।
गोकर्णेश्वर नगरपालिकाका मेयर सन्तोष चालिसेको उपस्थितिमा केन्द्रीय सभापति उत्तम पुडासैनी, सल्लाहकार होमकान्त चौलागाई, काठमाडौं शाखाका सभापति जगन्नाथ पुडासैनीसहितले राहत वितरण गरेका हुन् ।
यसैगरी शान्ति समाज दाङ शाखाले पनि तग चैत ३० गते लकडाउनका अवधिमा दैनिकी चलाउन कठिनाइ भएका दाङका श्रमिकका परिवारलाई राहत वितरण गरेको छ ।
