८ वैशाख, काठमाडौं । आगामी जुन महिनामा तय भएको दक्षिण अफ्रिका क्रिकेट टिमको श्रीलंका भ्रमण स्थगित भएको छ ।
विश्वभर महामारीको रुपमा फैलिएको कोभिड १९ को कारण दक्षिण अफ्रिकाको श्रीलंका भ्रमण स्थगित भएको श्रीलंका क्रिकेटले जनाएको छ । श्रीलंका क्रिकटले सोमबार विज्ञप्ति जारी गर्दै यसको पुष्टि गरेको हो ।
यो निर्णय श्रीलंका क्रिकेट र क्रिकेट दक्षिण अफ्रिकाले संयुक्त रुपमा लिएको विज्ञप्तिमा जनाइएको छ ।
दक्षिण अफ्रिकाले श्रीलंका टुरमा ३ एक दिवसीय र तीनवटा ट्वान्टी ट्वान्टी अन्तराष्ट्रिय खेल खेल्ने तय भएको थियो ।
अब दक्षित अफ्रिाकाको अर्को भ्रमण मिति पछि तय गरिने भएको छ । अवस्था सामान्य बनेपछि र अन्तर्राष्ट्रिय क्रिकेट पनि खुल्ला भएपछि टुरको तालिका पुनः तय गरिने विज्ञप्तिमा जनाइएको छ ।
