१८ वैशाख, काठमाडौं । लकडाउनका कारण मानव जाति हिजोआज घरबाहिर निस्कन पाएका छैनन् । पाँच हप्ताभन्दा धेरै भयो मुलुकमा लकडाउन सुरु भएको । लकडाउनको समयमा मान्छे बाहिर निस्कन नपाए पनि स्वच्छन्द पन्छीहरूको उडान रोकिएको छैन ।
कोरोना भाइरस रोकथामका लागि गरिएको लकडाउनको प्रभाव चराचुरुङ्गी वा पशुपन्छीमा प्रत्यक्षतः पर्दैन । उनीहरू प्रकृतिमा आफ्नै ढंगले जीवननिर्वाह गरिरहेका हुन्छन् । बुधबार कीर्तिपुरको भत्केपाटी पुग्दा तोप चराहरू गुडँ वरपर खेलिरहेका थिए ।
भँगेरा आकारको यो चराको गुडँ निकै राम्रो र कलात्मक पनि देखिन्छ । बस्तीबीचका दुईवटा रुखमा ६ वटा गुडँ बनाएर बसेका तोप चरा, कहिले गुडँबाट बाहिर उड्ने, कहिले गुडँतिर फर्किने गरेर रमाइरहेको थियो ।
हेर्नुहोस् तस्वीरहरू:
