२६ वैशाख, काठमाडौं । नेपाली कांग्रेसले राष्ट्रियसभा संसदीय दलको सचेतकमा सांसद अनीता देवकोटालाई मनोनित गरेको छ ।
पार्टी सभापति तथा संसदीय दलका नेता शेरबहादुर देउवाले शुक्रबार देवकोटालाई राष्ट्रियसभा संसदीय दलको सचेतकमा मनोनयन गरेका हुन् ।
यसअघि राष्ट्रियसभा कांग्रेस संसदीय दलको सचेतकको जिम्मेवारी सरिता प्रसाईंले सम्हालेकी थिइन् । उनको २ वर्षे कार्यकाल समाप्त भएपछि खाली रहेको पदमा देवकोटाले जिम्मेवारी पाएकी हुन् ।
सचेतकको जिम्मेवारीसहितको पत्र शुक्रबार पाएको देवकोटाले जानकारी दिइन् । उनले इमान्दारीपूर्वक प्राप्त जिम्मेवारी निर्वाह गर्ने समेत बताएकी छन् ।
