Comments Add Comment

जापानका ३९ राज्यमा आपतकाल हटाइयो

१ जेठ, काठमाडौं । जापानमा कोरोना भाइरस (कोभिड–१९) विरुद्ध लड्न लगाइएको आपतकालीन व्यवस्था हटाइएको छ ।

जापानी प्रधानमन्त्री सिन्जो आबेले बिहीबार राष्ट्रिय टेलिभिजनमा बाल्दै मुलुकका ४७ मध्ये ३९ राज्यमा लगाइएको आपतकालीन अवस्था हटाउने घोषणा गरेका हुन् ।

पछिल्लो समय जापानमा कोरोना भाइरसका संक्रमितको संख्या घट्दै गएसँगै ३९ राज्यमा अपतकालीन अवस्था हटाउने निर्णय गरिएको हो ।

कोरोना भाइरसबाट बढी प्रभावित बनेका होक्काइडो, टोकियो, चिबा, साइटामा, कानागवा, ओसाका, ह्योगो र क्योटो राज्यमा भने आपतकालीन अवस्था कायम रहनेछ । यी राज्यहरुमा पनि आपतकालीन अवस्था कायम राख्ने वा नराख्ने भन्नेबारे आगामी साता निर्णय हुनेछ ।

जोन्स हप्किन्स युनिभर्सिटीका अनुसार अहिलेसम्म जापानमा १६ हजारभन्दा धेरै मानिस संक्रमित भइसकेका छन् भने ६ सय ७८ जनाको मृत्यु भइसकेको छ । कोरोना भाइरसबाट करिब नौ हजार संक्रमित निको भएर घर फर्किसकेका छन् ।

स्रोत : अलजजीरा

यो खबर पढेर तपाईलाई कस्तो महसुस भयो ?

ट्रेन्डिङ

Advertisment