Comments Add Comment

अर्थमन्त्रीको स्पष्टीकरण : तस्करी हुन नदिन पेट्रोल र सुनमा कर वृद्धि

१६ जेठ, काठमाडौं । अर्थमन्त्री डा. युवराज खतिवडाले नेपालबाट भारततर्फ हुने पेट्रोलियम पदार्थ र सुनको चोरी तस्करी रोक्न आयातमा कर बढाइएको बताएका छन् । बिहीबार संसदमा प्रस्तुत भएको बजेटमार्फत अर्थमन्त्री खतिवडाले पेट्रोल र डिजेलमा प्रतिलिटर १० रुपैयाँ कर थपेका थिए ।

अर्थमन्त्री खतिवडाले पेट्रोलियम पदार्थको सीमावारी र पारीको मूल्यमा अहिले नै २० देखि ३० रुपैयाँ फरक परेको भन्दै नेपालबाट तस्करी भएर तेल भारततर्फ नै बिक्री हुने, भारतका गाडी आएर नेपाली बजारमा तेल भर्ने स्थितिका कारण कर बढाउनुपरेको बताए ।

सञ्चार मन्त्रालयमा आयोजित भर्चुअल पत्रकार सम्मेलनमा अर्थमन्त्री खतिवडाले भारत र नेपालबीच सेवा र वस्तुको मूल्यमा हुने फरकले सिर्जना गर्ने विकृति रोक्ने प्रयास स्वरुप सुन र पेट्रोलियम पदार्थको आयतमा कर बढाइएको स्पष्ट गरे ।

‘कर बढाउँदा पनि नेपाल आयल निगमको नाफा सहज अवस्थामा हुन्छ,’ उनले भने,‘करका कारण तत्कालै पेट्रोलियम पदार्थको कर पनि बढ्दैन ।’

सरकारले केही महिनाअघि मात्रै तेल आयातमा लाग्ने पूर्वाधार कर प्रतिलिटर ५ रुपैयाँले बढाएर १० रुपैयाँ पुर्‍याएको थियो । अर्थमन्त्री खतिवडाले पेट्रोलियम पदार्थमा भएको करवृद्धिले उपभोक्तालाई आर्थिक बोझ नथप्ने दावी गरेका छन् ।

उनले लकडाउनको अवस्थामा पेट्रोलियम पदार्थको मूल्य समायोजन नहुने पनि बताए ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment