२६ जेठ, काठमाडौं । रोजगारीका सिलसिलामा विदेशमा रहेका नेपालीहरूले कोभिड-१९ महामारीबाट प्रभावित नेपालीहरूका लागि राहत वितरण गरेका छन् । अमेरिका, पोर्चुगल, बेलायत लगायतका देशका नेपालीहरूले काठमाडौं हनुमानढोका क्षेत्रका ३८ परिवारलाई राहत वितरण गरेका हुन ।
प्रतिपरिवार एक बोरा चामल, तीन केजी दाल, तीन लिटर खानेतेल, पाँच केजी आलु, पाँच केजी प्याज र एक कार्टुन चाउचाउ उपलब्ध गराईएको सहयोगी मध्येकी खुशी राईले जानकारी दिइन् । दैनिक ज्याला मजदुरी गरेर खानेहरूलाई लक्षित गरेर राहत अभियान जारी राखेको उनको भनाइ छ ।
‘काठमाडौं लोकल्स’ नामक स्वयसेवी समूहमार्फत सहयोग वितरण गरिएको हो । स्वयमसेवकहरूले घरघरमै राहत पुर्याएका हुन ।
‘काठमाडौं लोकल्स’ले लकडाउन सुरु भएदेखि नै सडकका कुकुरहरूलाई खाना खुवाई रहेका छन् ।
