+

ब्राजिलले २०२३ को महिला विश्वकप फुटबल आयोजनाको दाबेदारी फिर्ता लियो

२०७७ जेठ  २७ गते १४:३६ २०७७ जेठ २७ गते १४:३६
ब्राजिलले २०२३ को महिला विश्वकप फुटबल आयोजनाको दाबेदारी फिर्ता लियो

२७ जेठ काठमाडौं । सन् २०२३ को महिला विश्वकप फुटबल आयोजना गर्ने दौडबाट ब्राजिल पछि हटेको छ । विश्वभर महामारीको रुपमा फैलिएको कोरोनासँगै अन्य विभिन्न कारणहरुले गर्दा विश्वकप आयोजनाको दाबेदारीबाट पछि हटेको ब्राजिलियन फुटबल फेडेरेसन सीबीएफले जनाएको छ ।

सीबीएफले मंगलबार विज्ञप्ति जारी गर्दै कोरोना महामारीको प्रभावका कारण परेको आर्थिक संकटका कारण सरकारले सहयोग गर्न नसक्ने भएपछि दाबेदारी फिर्ता लिएको जनाएको छ ।

पछिल्लो समय ब्राजिलले विश्व खेलकुदका ठूला प्रतियोगिताहरु गर्दै आएको थियो । सन् २०१३ को कन्फेडेरेसन कप २०१४ मा फिफा विश्पक २०१६ मा रियो ओलम्पिक र पारा ओलम्पिक तथा २०१९ मा कोपा अमेरिका र फिफा यु-१७ विश्वकपसमेत आयोजना गरेको थियो ।

यस पटक भने ब्राजिलले विश्वकप आयोजनाका लागि दाबेदारी फिर्ता लिएको छ र अब अर्को दक्षिण अमेरिकन राष्ट्र कोलम्बियालाई समर्थन गर्ने जनाएको छ । यसले गर्दा दक्षिण अमेरिकी राष्ट्रको दाबेदारी अझ प्रभावकारी हुने सीबीएफले जनाएको छ ।

२०२३ को महिला विश्वकप आयोजना गर्ने होडमा अब कोलम्बियासँगै जापान अनि अष्ट्रेलिया र न्युजिल्याण्ड छन् । अष्ट्रेलिया र न्युजिल्याण्डले संयुक्त रुपमा प्रतियोगिताको आयोजना गर्ने दाबी पेस गरेको छ । २५ जुनमा फिफा काउन्सिलको अनलाइन मिटिङबाट विश्वकपको आयोजक तोकिने सम्भावना छ ।

कोरोना महामारीका कारण ब्राजिल दक्षिण अमेरिकामा सबैभन्दा धेरे प्रभावित देश हो । विश्व स्वास्थ्य संगठनका अुसार ब्राजिलमा कोरोनाबाट अहिलेसम्म ३५ हजारभन्दा बढी मानिसको मृत्यु भइसकेको छ ।

ब्राजिल महिला विश्वकप फुटबल

धेरै कमेन्ट गरिएका

लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय