२८ जेठ, काठमाडौं । प्रधानमन्त्री केपी शर्मा ओलीले नेपालीहरुको कारोनाविरुद्ध रोग प्रतिरोधी क्षमता बलियो छ भन्ने आफ्नो दाबी वैज्ञानिक भएको बताएका छन् ।
प्रधानमन्त्री कार्यालयको विनियोजित बजेटमाथि उठेका प्रश्नहरुको जवाफ दिने क्रममा उनले भने, ‘नेपालीहरुको रोग प्रतिरोध क्षमता राम्रो छ भनेर भर्खरै सुन्नु भयो मैले भनेको । नेपालीको प्रतिरोध क्षमता राम्रो छ भन्नेमा चुनौती दिन कुनै डाक्टर आयो भने स्वीकार गरौंला ।’
