२०७७ जेठ ३१ गते १०:४६ 
३१ जेठ, काठमाडौं । डानी ओल्मोको दुई गोल मद्दतमा तेस्रो स्थानको आरबी लाइपजिगले जर्मन बुण्डेसलिगामा होफेनहेइमलाई पराजित गरेको छ । गएराति भएको एक मात्र खेलमा लाइपजिगले होफेनहेइमलाई उसैको मैदानमा २-० ले पराजित गरेको हो ।
ओल्मोले दुवै गोल दुई मिनेटको अन्तरमा पहिलो हाफमा गरेका थिए । उनले खेलको नवौं र ११औं मिनेटमा गोल गरेका थिए ।
जितपछि लाइपजिगले ३१ खेलबाट ६२ अंक जोडेको छ भने दोस्रो स्थानको बोरुसिया डर्टमण्डसँग अंकदूरी १ मा झारेको छ । समान खेलबाट ४३ अंकसहित होफेनहेइम सातौँ स्थानमा छ ।
बुण्डेसलिगामा आज ६ खेल हुँदैछन् । जसमा शीर्ष स्थानको बायर्न म्युनिखले चौथो स्थानको बोरुसिया मोन्चेनग्लाडबाकसँग खल्नेछ भने दोस्रो स्थानको डर्टमण्डले रेलिगेसन क्षेत्रमा रहेको फर्चुना डुसेलडोर्फसँग खेल्नेछ ।
प्रतिक्रिया 4