१ साउन, काठमाडौं । प्रिमियर लिगअन्तर्गत गएराति भएको खेलमा दोस्रो स्थानको म्यानचेष्टर सिटीले एएफसी बर्नमाउथलाई २-१ ले पराजित गरेको छ । सिटीको लागि डेभिड शिल्भा र गाब्रीएल जेससले गोल गरे ।
घरेलु मैदान एतिहाड स्टेडियममा भएको खेलको छैटौं मिनेटमा शिल्भाले गोल गर्दै सिटीलाई अग्रता दिलाएका थिए । ३९औं मिनेटमा जेससले गोल गर्दै अग्रता दोब्बर पारे । बर्नमाउथका लागि ८८औं मिनेटमा डेभिड ब्रुक्सले सान्त्वना गोल फर्काए ।
जितपछि ३६ खेलबाट ७५ अंक जोडेको छ । सिटीले शीर्ष स्थानको लिभरपुलसंग अंकदूरी १८ मा झारेको छ । ३६ खेलबाट ३१ अंक रहेको बरनमाउथ रेलिगेसन जोनमै छ र पुछारबाट तेस्रो स्थानमा छ ।
