२ साउन, काठमाडौं । रुसमा कोरोना भाइरस (कोभिड-१९) को कारण मृत्यु हुनेको संख्या १२ हजार नाघेको छ ।
रुसको कोरोना भाइरस क्राइसिस रेस्पोन्स सेन्टरको आँकडाअनुसार अहिलेसम्म कोरोना भाइरसको कारण मृत्यु हुनेको संख्या १२ हजार १२३ पुगेको हो । पछिल्लो २४ घण्टामा रुसमा कोरोना भाइरसको कारण १८६ जनाको मृत्यु भएको छ ।
रुसमा कोरोना भाइरसका संक्रमितको संख्या सात लाख ५९ हजार २०३ पुगेको छ । पछिल्लो २४ घण्टामा मात्र रुसमा कोरोना भाइरसका ६ हजार ४०६ नयाँ संक्रमित फेला परेका छन् । संक्रमित संख्याको आधारमा रुस कोरोना भाइरसबाट सबैभन्दा प्रभावित हुने चौथो मुलुक हो ।
अहिलेसम्म रुपमा कोरोना भाइरसका पाँच लाख ३९ हजार ३७३ कोरोना संक्रमित निको भइसकेका छन् । रुसमा संक्रमित संख्या अन्य मुलुकको तुलनामा बढी भए पनि मृत्युदर भने कम छ ।
स्रोत : रोयटर्स
