४ भदौ, सुर्खेत । कर्णाली प्रदेशको राजधानी सुर्खेतको वीरेन्द्रनगरमा लगाइएको निषेधाज्ञा चार दिन थप गरिएको छ ।
जिल्लास्तरीय कोरोना संकट व्यवस्थापन समितिको बैठकले निषेधाज्ञा थप ४ दिनका लागि थप गर्ने निर्णय गरेको हो ।
कोरोना भाइरसको संक्रमण नियन्त्रण तथा रोकथामका लागि भदौं १ गतेदेखि ५ गततेसम्म जारी गरेको निषेधाज्ञा थप गरेर भदौं ९ गते राति १२ बजेसम्म बढाएको छ ।
वीरेन्द्रनगर नगरपालिका क्षेत्रमै कोरोना संक्रमितहरुको संख्या दिनुहँ बढ्न थालेपछि निषेषाज्ञा थप गरिएको प्रमुख जिल्ला अधिकारी हिरालाल रेग्मीले बताए ।
‘पछिल्लो समय संक्रमणको दर बढ्दो छ । रोकथाम र नियन्त्रणका लागि थप ४ दिन निषेधाज्ञा जारी गर्ने निर्णय गरेका छौं,’ उनले भने,’यो अवधिमा अत्यावश्यकबाहेकका सबै काम बन्द हुनेछन् ।’
