११ भदौ, काठमाडौं । लकडाउन तथा निषेधाज्ञाका कारण मर्कामा परेका श्रमिकहरुलाई लक्षित गर्दै भैरहवामा पनि फुड बैंक सञ्चालनमा ल्याइएको छ ।
लकडाउनका बेलामा उपभोग्य सामग्रीको अभावमा कोही भोकै नपरोस् भन्ने उद्देश्यले बुधबारदेखि फुड बैंक स्थापना गरिएको मायादेवी च्यरिटेबल फाउन्डेसन तथा लायन्स क्लब अफ भैरहवाले जनाएको छ ।
फूड बैंकमा चामल, दाल, नुन, तेल, मस्यौरा, आलु, प्याज, तरकारी मसला तथा पिठो आवश्यकताअनुसार लकडाउन अवधिभर हुनेबाट लिइने र नहुनेलाई वितरण गरिने सञ्चालक रविकुमार रौनियारले जानकारी दिए ।
खाद्य बैंकमा त्यस क्षेत्रका ब्यापारीहरुले पनि सहयोग गर्ने प्रतिबद्धता प्राप्त भएको सञ्चालकहरुले बताएका छन् ।
सहयोग गरिएको खाद्यान्न दैनिक छाक टार्न समस्य परेका परिवारहरुलाई वितरण गरिने कार्यक्रम संयोजक वीरेन्द्र ज्ञवालीले बताए । फूड बैंकबाट विपन्नलाई सहयोग वितरण सुरु गरिसकेको पनि उनले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4