१४ भदौ, काठमाडौं । ज्यान मुद्दाका अभियुक्तको थुनामा रहेका बेला मृत्यु भएको प्रकरणमा इलाका प्रहरी कार्यालय, गरुडाका इञ्चार्जको जिम्मेवारी खोसिएको छ ।
हाल गरुडाका नेतृत्व गरिरहेका प्रहरी नायब उपरीक्षक (डीएसपी) ज्ञानकुमार महतोलाई २ नं. प्रदेश प्रहरी कार्यालय तानेर उनको ठाउँमा नयाँ डीएसपी पठाइएको हो ।
महतोलाई शनिबार प्रदेश प्रहरी कार्यालय तानिएको थियो भने उनको ठाउँमा डीएसपी नरेन्द्र कुँवरलाई पठाइएको छ । उनी संघीय प्रहरी इकाइ कार्यालय, धरानमा कार्यरत थिए ।
प्रहरीले गरुडा नगरपालिका–८, जिगंडवाका २० वर्षीय निरन्जन रामको हत्या गरेको अभियोगमा विजय महरालाई साउन ३२ गते पक्राउ गरेको थियो । प्रहरी हिरासतमा रहेकै बेला उनको उपचारका क्रममा वीरगञ्जमा मृत्यु भएको छ ।
१९ वर्षीय विजय शरीरभरि निलडाम र घाउचोट भेटेपछि स्थानीयले प्रहरीको कुटपिटका कारण मृत्यु भएको दाबी गर्दै आएका छन् । घटनाको अनुसन्धानका लागि गृह मन्त्रालयले छानविन समिति बनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4