२० भदौ, विराटनगर । मोरङको बुढीगंगा गाउँपालिका-५ का ४५ वषर्ीय पुुरुषको विराट मेडिकल कलेजमा शुक्रबार मृत्यु भयो ।
कोरोनासँग मिल्दो जुल्दो लक्षण भएका उनको आईसीयूमा राखेर उपचार गर्दागर्दै मृत्यु भएको थियो । कोरोना परीक्षणका लागि स्वाब संकलन गरेको भए पनि रिपोर्ट आइसकेको थिएन ।
शुक्रबार दिउँसो आफन्तले शव लैजान खोजेपछि जनप्रतिनिधिलाई जानकारी गराएर दिइएको कोभिड फोकल पर्सन सुनिल देवले जानकारी दिए । शनिबार दिउँसो उनकेा रिपोर्ट पोजेटिभ आएको छ ।
मृतकको अन्तिम संस्कारमा गएका १२-१३ जना मलामीको कोरोना जाँच गरिने बुढीगंगा गाउँपालिका ५ का वडा सदस्य इन्द्रनारायण माझीले बताए ।
१३ भदौमा न्यूरो अस्पताल विराटनगरले पनि पथरी शनिश्चरे २ का ६१ वर्षीय पुरुषको शव रिपोर्ट नआउँदै आफन्तको जिम्मा लगाएको थियो । शव घर लैजादै गर्दा पोजेटिभ रिपोर्ट आएपछि नेपाली सेनाले बीचबाटोबाटै लिएर व्यवस्थापन गरेको थियो ।
