२१ भदौं, वीरगञ्ज । नारायणी अस्पतालको पीसीआर प्रयोगशालाका इन्चार्ज हिराबाबु पाण्डेलाई दुर्व्यवहार गर्ने जनस्वास्थ्य कार्यालयका ल्याब टेक्निसियन राजेन्द्र चौरसियाले माफी मागेका छन् ।
चौरसियाले माफी मागेपछि प्रयोगशाला बन्द गराएका कर्मचारीहरुले आन्दोलन स्थगित गरेका छन् । आन्दोलन स्थगित भएसागै प्रयोगशाला खुलेको छ ।
ल्याब टेक्निेसियन चौरसियाले मलेकुलर ल्याबभित्रै गएर प्रयोगशालाका इन्चार्ज पाण्डेलाई दुर्व्यबहार गरेपछि ल्याब नै बन्द गरेर आन्दोलन भएको थियो ।
साढे १२ बजेतिर जनस्वास्थ्य कार्यालयका ल्याब टेक्निसियन चौरसिया सिधै मलेकुलर ल्याबभित्र पसेर ‘मेरो रिपोर्ट दिनुस’ कर्मचारीलाई धम्क्याएका थिए ।
