Comments Add Comment

क्रिकेटर ललितको हात र खुट्टाको सफल शल्यक्रिया

१ असोज, काठमाडौं । गत आइतबार मोटरसाइकल दुर्घटनामा घाइते भएका राष्ट्रिय क्रिकेटर ललित सिंह भण्डारीको सफल शल्यक्रिया भएको छ ।

काठमाडौंको टोखास्थित ग्राण्डी अस्पतालमा भण्डारीको बिहीबार सफल शल्यक्रिया भएको क्रिकेट खेलाडी संघ नेपाल सिप्यानले जनाएको छ ।

सिप्यानले बिहीबार विज्ञप्ती जारी गर्दै डाक्टर चक्रप्रसाद पाण्डे र उनको टिमले सफल रुपमा ललितको शल्यक्रिया गरेको जनाएको हो । उनको दायाँ हात र दायाँ खुट्टाको शल्यक्रिया गरिएको हो । हाल उनको अवस्था सामान्य रहेको सिप्यानले जनाएको छ ।

सोमबार काठमाडौं ल्याइ ग्राण्डीको आईसीयुमा उपचार सुरु गरिएका ललितको तीन दिनपछि आज शल्यक्रिया गरिएको हो ।

आइतबार कञ्चनपुरको झलारीमा ट्रकले ठक्कर दिँदा ललित गम्भीर घाइते भएका थिए । त्यसपछि उनलाई धनगढीको निसर्ग अस्पताल र बाँकेको कोहलपुर मेडिकल कलेजमा सामान्य उपचारपछि काठमाडौं ल्याइएको हो ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment