१९ असोज, काठमाडौं । डच फवार्ड मेम्फिस डिपे स्पेनिस क्लब बार्सिलोना अनुबन्ध हुने सम्भावना बढेको छ । लियोनका स्पोर्टिङ डाइरेक्टर जुनिनियोका अनुसार ट्रान्सफर डेडलाइनको अन्तिम दिन उनी बार्सिलोना अनुबन्ध हुने सम्भावना छ ।
लियोनसँगको सम्झौता १२ महिना बाँकी भएपनि क्लब छाड्नसक्ने उनले बताएका छन् । जुनिनियोले भनेका छन्, ‘ डिपे बार्सिलोना अनुबन्ध हुने सम्भावना छ ।’
आइतबार लियोनले मार्सेलिएसँग १–१ को बराबरी खेल्दा पनि उनी टिममा थिएनन् । फिटनेसमा समस्या र बार्सिलोनासँग सम्झौता प्रयासका कारण उनले नखेलेको बताइएको छ ।
डिपे बार्सिलोना आउने सम्भावना बढ्दा उस्मान डेम्बेलेको बार्सिलोना बसाइ संकटमा देखिएको छ ।
प्रशिक्षक रोनाल्ड कोमेनले उनलाई आफ्नो योजनामा समावेश गरेका छैनन् । आइतबार राति बार्सिलोनाले सेभियासँग १–१ को बराबरी खेल्दा पनि उनी बेञ्चमै थिए ।
