६ कात्तिक, काठमाडौं । दसैं नमनाउने गाउँको रूपमा परिचित खोकनाको सबैभन्दा ठूलो सिकाली जात्रा बिहीबार धुमधामका साथ मनाइएको छ ।
स्कन्दपुराणको माघ महात्म्यमा उल्लेख भए अनुसार दक्ष प्रजापतिको यज्ञलाई महाकाली र वीरभद्र लगायतका सैन्यगणले विध्वंस गरी देवगणलाई समेत तितरवितर पारेको कथाको आधारमा गरिने जात्रामा बिहीबार बिहानै सिकाली चौरमा यज्ञ मण्डप बनाएर यज्ञ लगाइएको थियो । सोही यज्ञलाई वीरभद्र र महाकालीले ध्वस्त बनाएका हुन् ।
घटस्थापनको दिनदेखि सुरु हुने यस जात्राको अन्तिम दिन जात्रा तयार पारिएकै कथामा आधारित भएर सप्तमीको दिन शुक्रबार क्वँलाछीमा सिकाली नाच देखाउने गरिन्छ । जात्राको भने बिहीबार अन्तिम र मुख्य दिन हो ।
खोकनावासी दसैं मनाउँदैनन् । यो जात्रालाई दसैंभन्दा पुरानो संस्कृति भएकोले यो जात्रा मनाएपछि दसैं मनाउन नभ्याएको उनीहरू बताउँछन् ।
हेर्नुहोस् तस्वीरहरु :
यो पनि पढ्नुहोस
शान्ति खोज्दै आएका स्वयम्भुलाई खोकनाको आश्रय, अनि बन्द भयो मारकाट !
