६ कात्तिक, जनकपुरधाम । महोत्तरी प्रहरीले लागूऔषधसहित एक जनालाई पक्राउ गरेको छ । पक्राउ पर्नेमा गोरखा जिल्लाको आरुघाट गाउँपालिकाका जगत खत्री छन् ।
महोत्तरीको भिठामोडबाट जनकपुरतर्फ आउँदै गरेको बसलाई जलेश्वर नगरपालिका २ मा रोकेर चेकजाँच गर्दा १८ बर्षीय खत्रीलाई लागूऔषधसहित पक्राउ गरिएको महोत्तरी प्रहरीका प्रबक्ता प्रकाश विष्टले जनाएको छ ।
खत्रीको साथबाट नाइट्रेभेट ट्याब्लेट ६ सय थान, डाइजेपाम इन्जेक्सन ११ थान, फेनारगन इन्जेक्सन ११ थान, नुफिन इन्जेक्सन १० थान बरामद भएको प्रहरीले जनाएको छ । उनलाई नियन्त्रणमा लिएर थप अनुसन्धान भइरहेको प्रहरीले जनाएको छ ।
