११ कात्तिक, काठमाडौं । पाकिस्तानको एक मदरसामा बम बिस्फोट हुँदा कम्तीमा ८ जनाको मृत्यु भएको छ भने ११० जना घाइते भएका छन् ।
खैबर पख्तुनख्वाह प्रान्तको पेशावर सहरस्थित जमिया जुबेरिया मदरसामा त्यसबेला बिस्फोट भएको हो, जतिबेला विद्यार्थीहरु कुरान पढिरहेका थिए । बिस्फोटमा मृत्यु भएकामध्ये चार जना विद्यार्थी छन् । उनीहरुको उमेर २० देखि २५ वर्षसम्म छ ।
अहिलेसम्म घटनाको कुनै समूहले जिम्मा नलिएको डन न्यूजले जनाएको छ ।
पाकिस्तानी प्रधानमन्त्री इमरान खानले विस्फोटको निन्दा गरेका छन् ।
