१७ कात्तिक, काठमाडौं । दुई जना कर्मचारीमा कोरोना संक्रमण देखिएपछि रसुवा जिल्ला अस्पतालका आकस्मिक र प्रसूति बाहेकका सेवाहरु बन्द गरिएको छ ।
अस्पतालले सोमबार एक सूचना जारी गरी अस्पतालको आकस्मिक र प्रसूतिबाहेकका सबै सेवा अर्को सूचना नआएसम्मका लागि बन्द गरिएको जनाएको छ ।
संक्रमित कर्मचारीको सम्पर्कमा रहेका अन्य कर्मचारीहरुको पनि कोरोना परीक्षण गर्नुपर्ने भएको र सेवा लिन आउने सेवाग्राहीहरुमा समेत संक्रमणको जोखिम हुने भएकोले आकस्मिकबाहेकका सेवा बन्द गर्नु परेको सूचनामा उल्लेख छ ।
