२७ कात्तिक, काठमाडौं । फिफा विश्वकप २०२२२ र एएफसी एसियन कपको संयुक्त छनोट अन्तर्गत समूह चरणका बाँकी खेलहरुको मिति तय भएको छ । एसियाली फुटबल महासंघ एएफसीको कम्पिटेसन कमिटीको अनलाइन बैठकले नयाँ मिति स्वीकृत गरेको हो ।
विश्वभर महामारीको रुपमा फैलिएको कोरोना भाइरसका कारण छनोटका खेलहरु स्थगित भएका थिए ।
दोस्रो चरणको छनोटका खेलहरु २०२१ जुन १५ सम्म सक्ने सहमति भएको छ । जस अन्तर्गत छनोटको म्याच डे ७ र ८ को खेल २०२१ मार्चमा गर्ने र म्याच डे ९ र १० को खेल २०२१ जुनमा गर्ने भएको हो ।
यस्तै एसियन क्वालिफायर्सको अन्तिम चरणका खेलहरु २०२१ सेप्टेम्बरमा गर्ने सहमति भएको छ ।
