२०७७ कात्तिक २८ गते १८:०५ 
२८ कात्तिक काठमाडौं । युवा मिडफिल्डर एरिक विष्टले नेपाली राष्ट्रिय फुटबल टोलीमा डेब्यु गरेका छन् । अन्तर्राष्ट्रिय मैत्रीपूर्ण खेल अन्तर्गत बंगलादेशविरुद्ध भइरहेको पहिलो खेलमा ४२ औं मिनेटमा विक्रम लामाको स्थानमा मैदान प्रवेश गर्दै एरिकले सिनियर टिममा डेब्यु गरेका हुन् ।
ढाकाको बंगबन्धु नेशनल स्टेडियममा विक्रम घाइते भएपछि एरिकले अवसर पाएका हुन् । उनले राष्ट्रिय टिममा स्थान बनाएको पहिलो अवसरमै डेब्यु गर्न पाएका हुन्।
एरिकले घरेलु फुटबलमा न्यू रोड टिम एनआरटीबाट ए डिभिजन लिग खेलेका थिए । त्यसअघि उनले बाँसबारी क्लबबाट फुटबल सुरु गरेका थिए । एरिकले त्रिभुवन आर्मी क्लबबाट ललित स्मृति यू-१८ च्याम्पियनसिप दुई पटक जितेका छन् ।
शुक्रबारकै खेलमा युवा डिफेण्डर विकास खवासले पहिलो रोजाईँमा खेल्दै सिनियर टोलीमा डेब्यु गरिसकेका छन् ।
पहिलो हाफमा नेपाल एक गोलले पछि परेको छ । मोहम्मद नविद जीवनले खेलको १० औं मिनेटमा गोल गर्दै घरेलु टोलीलाई अग्रता दिलाए ।
प्रतिक्रिया 4