१५ मंसिर, ठोरी । पर्साको ठोरी गाउँपालिका–२ मा १५ शैय्याको अस्पताल शिलान्यास गरिएको छ । गौतमनगरस्थित ठोरी स्वास्थ्य चौकी परिसरमा सोमबार एक कार्यक्रमका बीच गाउँपालिकाका अध्यक्ष पदमलाल श्रेष्ठले ठोरी अस्पतालको शिलान्यास गरेका हुन् ।
पर्साको सुदूरपश्चिममा रहेको यस गाउँपालिकामा अस्पताल नहुँदा उपचारका लागि सर्वसाधरणहरु जिल्ला सदरमुकाम वीरगञ्ज, चितवनको भरतपुरका साथै भारतमा जानुपर्ने बाध्यता थियो ।
अस्पतालको शिलान्यास गर्दै अध्यक्ष श्रेष्ठले बहुवर्षीय योजनामा निर्माण हुन लागेको यस अस्पतालबाट सर्वसाधरणको स्वास्थ्यमा पहुँच पुग्ने विश्वास व्यक्त गरे ।
ठोरी अस्पताल सञ्चालनमा आएपछि ठोरीको पूर्वी भेग, चितवन र भारतीय जनताले समेत स्वास्थ्य उपचार पाउने छन् ।
ठोरी २ का वडाध्यक्ष किशोर तामाङले ठोरी गाउँपालिकाको प्रथम गाउँसभाले निर्णय गरे बमोजिम आफ्नो वडामा १५ शैय्याको अस्पताल निर्माण कार्य अघि बढेकामा खुसी व्यक्त गरे । अस्पताल बनेपछि उपचारका लागि बाहिर जानुपर्ने प्रथाको अन्त्य हुने उनको भनाइ थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4