२४ मंसिर, काठमाडौं । बागमती प्रदेश क्रिकेट संघको आयोजनामा यही मंसिर २७ गतेदेखि चितवनमा आयोजना हुने गौतम बुद्ध कप क्रिकेटको लागि तीन टोलीको घोषणा भएको छ ।
आयोजकले बुधबार बागमती, राप्ती र नारायणी नामको तीन टोलीको घोषणा गरेको हो । राष्ट्रिय टिमका कप्तान ज्ञानेन्द्र मल्लले बागमतीको कप्तानी गर्नेछन् भने अलराउण्डर पारस खडकाले नारायणी टिमको कप्तानी गर्नेछन् । यस्तै विनोद भण्डारीले भेरीको कप्तानी गर्नेछन् ।
तीनवटै टिममा समान १४ खेलाडी रहेका छन् । राष्ट्रिय टिमका सदस्य युवा लेग स्पीनर सन्दीप लामिछाने भने बिग बास लिग बीबीएल खेल्न अस्ट्रेलिया जाने भएकोले गौतमबुद्ध कप खेल्ने छैनन् । उनी अर्को साता अस्ट्रेलिया जाँदैछन् । बिग लिगको १०औं संस्करण भने बिहीबारदेखि सुरु हुँदैछ ।
यो पनि पढ्नुहोस
गौतमबुद्ध कप क्रिकेट प्रतियोगिता मंसिर अन्तिम साता हुने
गौतम बुद्ध कपको उद्घाटन खेलमा मंसिर २७ गते बागतमती र नारायणीबीच खेल हुनेछ । यस्तै मंसिर २८ गते बागतमती र राप्ती तथा मंसिर २९ गते राप्ती र नारायणीबीच खेल हुनेछ ।
लिग चरणपछि शीर्ष दुई टोलीले मंसिर ३० गते फाइनल खेल्नेछन् ।
चितवन जिल्ला क्रिकेट संघको सहआयोजना रहने प्रतियोगितालाई बागमति प्रदेश खेलकुद परिषद र भरतपुल महानगरपालिकाले आर्थिक सहयोग गर्नेछ ।
प्रतियोगिता खेल्ने टिम र खेलाडीहरुको सूची :
