३० मंसिर, काठमाडौं । दिल्लीका मुख्यमन्त्री अरविन्द केजरीवालले आम आदमी पार्टीले २०२२ मा उत्तर प्रदेश विधानसभा चुनाव लड्ने घोषणा गरेका छन् ।
आपका प्रमुख समेत रहेका उनले उत्तर प्रदेशका जनताले विकल्प खोेजेको बताए । ‘दिल्लीका जनताले तीन पटक मुख्यमन्त्री बनाए । पञ्जाबमा हाम्रो पार्टी विपक्षमा छ’ उनले भनेका छन्, ‘यूपीका मानिसहरु दिल्लीमा ठूलो सख्ंयामा छन् । उनीहरुले हामीलाई आग्रह गरेका छन् कि आपले त्यहाँ पनि चुनाव लडोस् ।’
भ्रष्ट राजनीतिका कारण यूपीमा विकास हुन नसकेको उनले बताए । केजरीवालले भनेका छन्, यूपीका मानिसहरु पढाई र उपचारका लागि किन दिल्ली आउनुपर्छ ? यदि दिल्लीको सरकारी अस्पताल सबैभन्दा राम्रो बन्नसक्छ भने यूपीको किन सक्दैन ? दिल्लीको सरकारी स्कुल राम्रो हुनसम्छ भने यूपीको किन हुन सक्दैन ? यूपीमा विजुलीको बिल किन कम हुन सक्दैन ?
