नेपाली कांग्रेसले राजनिति र राजनैतिक रणनिति विर्सी सकेको अनुभूती उसको प्रतिकृयाबाट देखीन्छ । संसदीय अभ्यास गर्ने मुलुकका प्रधानमन्त्रीहरुले त्यसमा पनि विशेष गरी बेलायतको दृष्टान्त हेर्ने हो भने आफ्नो बहुमत धरमर भएको अवस्थामा कुनै परिस्थीती र परिणाम विशेषले जनतामा आफ्नो दलको छवि राम्रो बनेको अवस्थामा संसद विघटनको सिफारीस गरी संसदमा आफ्नो मत बढाउन समेत चुनावमा जाने व्यवहार रहेको देखीन्छ । यस्तो अवस्थामा आफ्नो दुई तिहाई बहुमतलाई मुढता, अहंकार र स्वार्थमा बलि चढाउने प्रधानमन्त्री ओलीको कार्य लोकतान्त्रीक प्रतिपक्षीकहरुको लागी भाग्योदयको अवसर हो । यस्तो अवस्थामा संसद विघटनलाई सिद्धान्तत गलत भन्दै सबै लोकतान्त्रीक प्रतिपक्षीहरुलाई गोलबद्ध बनाई चुनावमा जानु नै नेपाली कांग्रेसकोलागी उचित राजनैतिक रणनिति हुनेछ । त्यसको सट्टामा हिनताबोध हुने अल्पमतलाई पुरा अवधिको लागी कायम राख्न गरिने विरोधको पछाडकी तर्क र बुद्धीमत्ता अबोध्य छ ।