२२ पुस, काठमाडौं । प्रधानमन्त्री कप पुरुष राष्ट्रिय क्रिकेट प्रतियोगिताका लागि लुम्बिनी प्रदेशस्तरीय छनोट खेल यही पुस २४ देखि माघ १ गतेसम्म हुने भएको छ ।
लुम्बिनी र कर्णाली प्रदेश क्रिकेट संघले मंगलबार छनोट प्रतियोगिताको खेल तालिका सार्वजनिक गरेको छ । जसमा ७ जिल्ला टिमले सहभागिता जनाउनेछन् ।
समूह ए मा रुपन्देही पाल्पा कपिलवस्तु र नवलपरसी छन् भने समूह बी मा बाँके दाङ र बर्दिया छन् ।
प्रतियोगिताका खेलहरु रुपन्देहीको सिद्धर्थ क्रिकेट मैदान र दाङको देउखुरी क्रिकेट मैदानमा हुनेछ । समूह ए को खेल र फाइनल खेल सिद्धार्थ मैदानमा हुने र समूह बी को खेल देउखुरी मैदानमा हुने आयोजकले जनाएको छ ।
छनोट प्रतियोगिताको उद्घाटन खेलमा समूह ए मा रहेका रुपन्देही र नवलपरासीबीच खेल हुनेछ ।
दुवै समूहको शीर्ष स्थानमा रहने टोलीहरु फाइनल पुग्नेछन् । फाइनल खेल माघ १ गते हुनेछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4