२३ पुस, वीरगञ्ज । नेकपा प्रचण्ड-माधव समूह निकट विद्यार्थीहरुले वीरगञ्जमा प्रधानमन्त्री केपी शर्मा ओलीको पुत्ला जलाएका छन् । अखिल नेपाल स्वतन्त्र विद्यार्थी युनियनमा आवद्ध विद्यार्थीहरुले संसद विघटनको विरोध गर्दै वीरगञ्जको माईस्थान चोकमा बिहीबार प्रधानमन्त्रीको पुत्ला जलाएका हुन् ।
प्रधानमन्त्रीको पुत्ला जलाउँदै माईस्थान चोकमा प्रदर्शन गर्न निस्किएका विद्यार्थीहरुको समूहलाई प्रहरीले हस्तक्षेप गरेको थियो । प्रहरीले विद्यार्थीहरुको हातमा रहेका पुत्ला खोसेर निभाईदिएका थिए ।
प्रधानमन्त्रीले असंवैधानिक रुपमा संसद विघटन गरेर देशलाई प्रतिगमनतर्फ लैजान खोजेकोले विरोध प्रदर्शन गरिएको अनेरास्ववियुका नेता प्रभाकर गुप्ताले बताए ।
